Skip to main content

தூறல்கள்.....

நினைப்பு :

உன் நினைப்பு சுமக்கும் இதயம்
வலிக்கிறதே சுமக்க முடியாமல்...
சற்று இறக்கி வைக்கலாம்தான்...
மீண்டும் சுமக்க தொடங்கினால்
இன்னும் புதிதாய் பெரிதாய் வலிக்குமே...

இறக்கிய இடத்திலேயே
விட்டு செல்லலாம் என்றால்
சற்று தொலைவு செல்வதற்குள்
எங்கு தொலைத்தாலும் சரியாய்
வீட்டு வாசலில் நிற்கும் பூனையாய்
வந்து ஓட்டிக் கொள்கிறதே....

~~~~~~~~~~~~~~~~~~~~~~~~~~~~~~~~~~~~~~~~~~~***

பார்வை....


பாதம் மட்டுமே பதித்து 
பார்வை பதிக்காமல் போயிருப்பாயோ 
என்கிற பரிதவிப்பில் 
என் பார்வை உன் மீதில்லை....

என் பரிதவிப்பு உண்மையென்றால்
உன் பார்வை என் மீதில்லை 

~~~~~~~~~~~~~~~~~~~~~~~~~~~~~~~~~~~~~~~~~~~***

நிஜம்...

தாமரை இலையின் மீதிருந்து 
விலகி ஓடும் நீரை போல் 
நினைவுகளிலிருந்து 
நிஜம் பிரித்து ஓடுகிறேன் 
ஆயினும் 
நிஜம் இன்னும் நரம்புகளில்...

~~~~~~~~~~~~~~~~~~~~~~~~~~~~~~~~~~~~~~~~~~~~***

Labels:

Comments

  1. திண்டுக்கல் தனபாலன்20 October 2012 at 19:22

    நல்ல கவிதைகள்...

    முடிவில் உள்ளது மிகவும் அருமை...

    ReplyDelete
  2. Rajan B20 October 2012 at 23:31

    நிஜங்கள் தடம் மாறினாலும்
    நினைவுகள் தடம் மாறாது....

    மேகத்தின் தூறல்கள்
    மண்ணிற்கு மாற்றம்
    கவிதைகளின் தூறல்கள்
    நினைவுகளின் ஓட்டம்
    வரிகள் அருமை... வாழ்த்துக்கள்....

    ReplyDelete
  3. Ramani21 October 2012 at 05:23

    இயற்கை அழகில் அலங்காரங்கள்
    அர்த்தம்ற்றுப் போவதைப்போல்
    கவிதைகளில் பீறிடும் உணர்வுப் பெருக்கத்தில்
    வார்த்தைகள் வெறும் குறிகாட்டிகளாகித் தான் போகின்றன
    கவிதைப் பெண் விரும்பி தங்கள் வசப்பட்டிருக்கிறாள்
    தொடர்ந்து ஜமாயுங்கள்

    ReplyDelete
    Replies
    1. அகிலா21 October 2012 at 07:49

      என் கவிதையை அலங்கரித்த உங்களின் பாராட்டுக்கு நன்றி ரமணி அவர்களே....

      Delete
  4. கவிஞா் கி. பாரதிதாசன் கி. பாரதிதாசன்22 October 2012 at 03:40


    வணக்கம்!


    பார்வை பார்த்த நொடி்பொழுது
    பகலும் இரவும் நீண்டுவரும்!
    போர்வை போர்த்தி அடைத்தாலும்
    பொல்லா நினைவு பொலிந்துவரும்!
    கோர்வை யாகத் தொடா்ந்துவரும்!
    கொட்டும் மழைபோல் குளிர்ச்சிதரும்!
    வோ்வை முத்து விளைக்கின்ற
    சோர்வை போக்கும்! சுவைகொடுக்கும்!

    ReplyDelete
    Replies
    1. அகிலா26 October 2012 at 19:33

      படிக்க படிக்க சுவைக்கும்
      உங்கள் கவிதையை போலே...

      Delete
  5. குரும்பையூர் மூர்த்தி29 October 2012 at 00:56

    கவிதைகள் அருமை!.

    ///நினைவுகளிலிருந்து
    நிஜம் பிரித்து ஓடுகிறேன்
    ஆயினும்
    நிஜம் இன்னும் நரம்புகளில்///
    மிகவும் நல்ல கருத்து

    ReplyDelete

Post a Comment

உங்க கருத்தை சொல்லலாம்.....

Popular posts from this blog

முதியோர் இல்லங்கள்...

ஒரு வரப்பிரசாதம்  முதியோருக்காக தனியாக வீடுகள் கட்டி கொடுப்பதைப் பற்றிய ஒரு விளம்பரம் பார்த்தேன். பணம் பார்க்கும் வேலைதான் என்றாலும் முதியோர் இல்லங்கள் சமுதாயத்திற்கு தேவைதான். அவசியமும் கூடத்தான். வயதான காலத்தில் குழந்தைகள் இல்லாத, இருந்தும் இல்லாத, துணையை இழந்து தனித்து விடப்பட்டவர்கள் எங்குதான் போவார்கள் என்பதை நாம் யோசித்து பார்க்கவேண்டும்.நகை திருடர்களும் கொலையாளிகளுமாக தனியே இருக்கும் வயதானவர்களை குறி வைக்கும் காலகட்டத்தில் முதியோர் இல்லம் என்பது ஒரு தவறான விஷயமே இல்லை. நாம் நம் மனநிலையை சற்று அதற்கு தயார்ப்படுத்திக் கொள்வதில் தவறில்லை என்பது என் கருத்து. இல்லம் பற்றிய கண்ணோட்டம் எனக்கு தெரிந்த நான் அடிக்கடி செல்லும் இல்லத்தில் வயதில் முதிர்ந்தவர்கள் காலையில் மெதுவாக எழுந்து காப்பி குடித்து குளித்து உணவு அருந்தி பேப்பர் படித்து வாக்கிங் போய் நிதானமான வாழ்க்கை வாழ்வதை பார்க்கும் போது தினசரி திட்டுகளில் இருந்து தப்பித்து மனதுக்குள் துன்பங்கள் இருந்தாலும் நிறைவுடன் இருப்பதாகவே எனக்கு தோணும். வெளியே இருந்து பார்க்கும் நம்மை விட  முதியோர் இல்லம் பற்றி
33 comments
Read more

சுந்தர ராமசாமியின் படைப்புலகம்

கோவை இலக்கிய சந்திப்பும் சுந்தர ராமசாமியும்.. கோவை இலக்கிய வட்டம்  கோவை இலக்கிய வட்டம் என்பது கோவை மாவட்டத்தின் மிகச் சிறந்த கவிஞர்களையும் எழுத்தாளர்களையும் உள்ளடக்கியது. மிகச் சாதாரண கவிஞனையும் படைப்பாளியாய் அவனுடைய நூலை உலகுக்கு அறிமுகம் செய்து பிரபலப்படுத்தும் சாதனை கொண்டது. நூல் அறிமுகங்கள், படைப்பாளிகள் அறிமுகம், அறிமுக உரைகள், கருத்தரங்குகள் என்று பல்வேறு தளத்தில் இயங்கி வருகிறது.  70களிலும் 80களிலும் புதுக்கவிதைகள் கொண்டு தொழிற்புரட்சி செய்த வானம்பாடி கவிஞர்களான கோவை ஞானி, அக்னிபுத்திரன், நித்திலன், அறிவன், ரவீந்திரன் போன்ற இன்னும் பல மூத்த கவிஞர்களையும் நாஞ்சில் நாடன்,  இளஞ்சேரல், க வை பழனிசாமி, சு வேணுகோபால், சி ஆர் ரவீந்திரன் போன்ற  எழுத்தாளர்களையும் உள்ளடக்கியது.  பல வருடங்களாக கோவை இலக்கிய வட்டத்தின் சந்திப்புகள் கோவை டவுன்ஹாலில் மரக்கடையில் உள்ள நரசிம்மலு நாயுடு பள்ளியிலும் சிபி IAS அகாடமியிலும் சில தாமஸ் கிளப்லேயும் நடைபெற்று வந்துள்ளன. தற்சமயம் ஆர் எஸ் புரத்தில் உள்ள சப்னா புக் ஹவுஸில் வைத்து நடைபெறுகிறது.  ஒவ்வொரு மாதமும் கடைசி ஞாயிற்று கிழமை கோவை இ
4 comments
Read more

சீமாட்டி சிறுகதைகள் | அகிலா | உரை

  சீமாட்டி | அகிலா  Click to buy the Book புத்தகம் வாங்க புத்தகம் : சீமாட்டி (சிறுகதைகள்)  ஆசிரியர் : அகிலா  உரை :  பொள்ளாச்சி அபி   என் சிறுகதை தொகுப்பு 'சீமாட்டி'  கதைகளுக்குள் நுழைந்து பெண்ணின் அவதாரங்களை சரிவர புரிந்து எழுதப்பட்ட ஒன்றுதான் எழுத்தாளர் பொள்ளாச்சி அபி அவர்களின் இந்த உரை. நன்றி  சீமாட்டி | உரை  ஆண்டாண்டு காலமாய் ஆணாதிக்கத்தின் பிடியில், ஆண்களால் வடிவமைக்கப்பட்ட ஆட்சியதிகாரத்தின் பிடியில், அந்த அரசியல் சட்டங்களின் பிடியில், அல்லலுறும் அபலைகளின் வாழ்வை இதுவரை எத்தனையோ எழுத்தாளர்கள் எழுதி வந்திருக்கிறார்கள். இன்னும் அதை எழுதவேண்டிய தேவையும் இருந்துகொண்டே இருக்கிறது. அந்த வரிசையில் எழுத்தாளர் அகிலாவும் தொடர்ந்து பயணித்து வருகிறார். எழுத்தாளரான அவர் மனநல ஆலோசகராகவும் இருப்பதால் அவரது எழுத்துக்களில் அது கட்டுரைகளோ, கதைகளோ, பெண்களின் பிரச்சினைகளைப் பேசுவதில், அவர்களின் எண்ணவோட்டங்களை அறிவதில், வாசகர்களை அறிந்து கொள்ளச் செய்வதில் கூடுதலான அக்கறையும், கவனமும்,துல்லியமும் வெளிப்படுகிறது. இதற்கு முன் தோழர் அகிலாவின் படைப்புகளாக வெளிவந்த தவ்வை, அறவி  என இரண்டு நாவல்கள், மி
Post a Comment
Read more