ரயில் பயணங்களில் 2....

பெண்களின் உடை....

இந்த முறை ரயில் பயணம் முடிந்து சென்னை இறங்கும் முன் சற்று நேரம் பேசின் ப்ரிட்ஜ் ரயில் நிலையத்தில் வண்டி நின்றது. 

நம்ம ஊரு மக்களுக்கு ஒரு நல்ல பழக்கம் உண்டு. அவ்வளவு நேரம் அமைதியா ட்ரெயின்ல உட்கார்ந்திருப்பாங்க. இறங்கும் ஸ்டேஷன் நெருங்கும் முன்னரே எல்லோரும் மூட்டை முடிச்சுடன் கதவு கிட்டே போய் நிப்பாங்க. 

இந்த நல்ல பழக்கம் ட்ரெயின் மட்டுமில்ல, சின்னதா வானத்தில பறக்குமே ஏரோப்ளேன் அதுல கூட அப்படிதான். லேண்ட் ஆகிட்டோம்னு பைலட் சொன்ன உடனே கதவை கூட ஏர் ஹோஸ்டஸ் திறக்கவிடாம க்யூ கட்டி நிப்பாங்க....

ரயில் வண்டி நின்ற கொண்டிருந்த அந்த பதினைந்து நிமிடத்தில் நடந்த விஷயம் தான் இது. இருபதுகளில் ஒரு பெண் தன் இரண்டு வயது குழந்தையுடன், அறுபதுகளில் ஒரு மனிதர் அவளின் மாமனார். 

என் சீட்டின் அருகில் நின்று கொண்டிருந்தாள் குழந்தையுடன். அருகில் நிற்பவர்களிடம் எல்லாம் அந்த குழந்தை பேசி சிரித்துக் கொண்டிருக்க அவளும் பேசிக் கொண்டிருந்தாள். இளைஞன் ஒருவனும் அதனிடம் பேசி சிரிக்க குழந்தையும் அவன் சட்டையை பிடித்து இழுக்க இவளும் சிரித்து பேச....அவளின் மாமனாரின் முகம் மாறிக் கொண்டிருந்ததை கவனித்தேன். 

அவர் என்னருகில் காலியாய் இருந்த இருக்கையில் அவளை அமரச் சொல்லி திரும்ப திரும்ப சொன்ன பிறகு அமர்ந்தாள். அதன்பிறகு நானும் அந்த குழந்தையும் பேசி பேசி ஒருவழியா சென்ட்ரல் வந்து பிரிந்தோம்....

வரும் போதும் இப்படிதான் ஒரு பெண் தன் குழந்தை தன் மேல் செய்யும் விளையாட்டுகளை ரசித்துக் கொண்டிருந்தாள். அருகில் இருந்த ஒரு விடலை பையன் அவளை ரசித்துக் கொண்டிருந்தான். 

இதில் நான் கவனித்த ஒரு விஷயத்தை சொல்லியே ஆகணும். 

இப்போதிருக்கும் பெண்கள் யாரும் ஷால், துப்பட்டா என்று எதையும் மேலே போடுவதில்லை. லோ-கட் டாப்ஸ் வேற. 

குழந்தையை குரங்கு மாதிரி மேலே போட்டுக் கொள்கிறார்கள். அது சாய்வதே இவர்களின் மார்பில்தான். அது கை வைக்கவும் முகம் வைத்து தேய்க்கவும் செய்ய இவர்களின் மார்பு மேடுகள் எல்லோருக்கும் விருந்தாக..... 

மிக கேவலமாக உணர்கிறேன் நானும் ஒரு பெண் என்பதால்.... குனியும் போது தெரிவது வேறு. இப்படி குழந்தையை வைத்து அசிங்கபடுத்துவது வேறு.

இனியாவது வீட்டிலிருக்கும் பெரியவர்கள் மகள், மருமகள் என்று யாராக இருந்தாலும் கொஞ்சம் பார்த்து உடை அணிந்து கூட்டிவாருங்கள் பொது இடங்களுக்கு வரும் போது.  

குழந்தையை பெற்றுவிட்டால் கிழவி வேஷம் போட சொல்லவில்லை. குழந்தையை வைத்திருப்பதால் உடை கொஞ்சம் சரியாக அணிய வேண்டும் என்றுதான் சொல்கிறேன். அது ஒவ்வொரு பக்கமும் நம் உடையை இழுக்கும் என்பதை நாம் உணர வேண்டும். 

அதன் கைகள் அலையும் இடங்களை சற்று கண்ட்ரோலில் வைத்தால் நல்லது. பெண்களே. நீங்களும் உங்கள் செல்ல குழந்தையும் மட்டும் ட்ரெயின்னில் இல்லை. உடன் நிறைய பேர் இருக்கிறார்கள். விளம்பரங்களில் காண்பிப்பது போல் கட்டிபிடித்து கொஞ்சுவதேல்லாம் வீட்டுக்குள்ளே வைத்துக் கொள்ளலாம். யாருக்கும் எந்த objection னும் இல்லை. 

இதை படிக்கும் ஆண்கள் தன் வீட்டு பெண்களிடம் சொல்லவும். நெருடலான விஷயம் தான் இது. ஆனாலும் யாராவது எடுத்து சொல்லத்தானே வேண்டும்......