நம்ம ஊரு BSNL.....

நம்ம ஊரில இருக்கிற கவர்மென்ட் ஆபீஸ் பக்கம் கொஞ்சம் போனீங்கன்னா தெரியும், தினமும் வேலைக்கு போய்வருகிற அலுவலகத்தை ( அந்த ஆபிஸ் இப்போ மூணு மாசத்துக்கு முன்னாடிதான் நம்ம வரிப்பணத்தில கட்டினதா இருக்கும் ) எப்படி கேவலமாக வைத்திருப்பது, உட்கார்ந்திருக்கிற நாற்காலிக்கு பக்கத்தில் ஒரு மலை மாதிரி குவியலா, குப்பை மாதிரி பைல்களை எப்படி சேர்த்து வைக்கிறது, கரண்ட் போச்சுனா அதுலேருந்து ஒன்றை உருவி எப்படி விசிறியா பயன்படுத்திறது, வேலையே பார்க்காம, customer வந்ததைக் கூட கவனிக்காம எப்படி ஆபீசுக்குள்ளேயே சுத்துறது அப்படின்னு எல்லாம் நமக்கு சொல்லிக் கொடுப்பாங்க...

நம்ம ஊரு BSNL ஆபீசுக்கு போகிற நிலைமை எனக்கு வந்துச்சு....என்னன்னா....நான் ஒரு புது செல் வாங்கி அதுல என்னோட BSNL சிம் கார்டு ஒண்ணை போட்டேன். அதுக்கு இந்த GPRS, WAP, MMS.....இப்படிப்பட்ட விஷயத்தை எல்லாம் சேர்க்க வேண்டுமே. நானே நெட்லே இருந்து செட்டிங்க்ஸ் எல்லாம் சேர்த்துவிட்டேன். (http://forumz.in/174-cellone-excel-gprs-edge-settings-all-major-handsets/).

வேலை முடிஞ்சுதுன்னு பார்த்தா, மெயில் update ஆகுது ஆனா நெட் மட்டும் வேலை செய்யலை....நானும் settingsல APN எல்லாம் மாத்தி பார்த்தேன்...ஒண்ணும் வேலை செய்யலை...சரி நம்ம BSNL க்கு போன் பண்ணி கேட்டா அவங்க ஆபீசுக்கே கொண்டுவர சொன்னாங்க. நான் எங்க ஏரியாவில இருக்கிற ஆபீசுக்கு என் செல்லோட போனா அங்கே ஒரு பெரிய போர்டு என் கண்ணுல பட்டுது.

நம்ம வாய் சும்மா இருக்காதே....எங்க ஏரியா புதுசா உண்டானது, அதனால் BSNL landline connection இன்னும் இல்லை...இந்த போர்டை பார்த்ததும் அதை பற்றி கேட்டேன். கஸ்(ஷ்)டமர் கேரில் உட்கார்ந்திருந்த அந்த பெண்மணி 'நீங்க முதலில் landline phone க்கு அப்பிளிக்கேஷன் கொடுங்க...நாங்க போன் கொண்டு வைப்போம். அப்புறம் வந்து நெட் (broadband) கனெக்ஷனுக்கு எழுதி கொடுங்க.' சொன்னாங்க.

நான் அந்த போர்டை காமிச்சு broadband புக் பண்ணினா, நீங்க landline free ன்னு போட்டு இருக்கீங்களே...நான் அப்போ broadbandயே புக் பண்ணிக்கிறேனே' என்று கேட்டேன்...அதுக்கு அவங்க 'ஏங்க இதெல்லாம் இங்கே இல்ல...சென்னை, பெங்களுரூ மாதிரி பெரிய சிட்டிக்கு தான்' அப்படின்னு சொன்னாங்க. நான் சும்மா இல்லாம, 'அப்போ ஏன் இங்கே போர்ட் வச்சிருக்கீங்க...எடுத்திருங்க...' என்று சொல்ல அவ்வளவுதான் என்னை முறைச்சு பார்த்து, 'உங்களுக்கு என்ன வேணும்' ன்னு கேட்டாங்க....ஐயோ நம்ம வந்த மேட்டரை மறந்திட்டோமேன்னு அதை சொன்னேன். ஏற்கனவே இருந்த கடுப்பில இங்கே எல்லாம் அதை பார்க்க முடியாது. கலெக்டர் ஆபிஸ் பக்கத்தில இருக்கிற எங்க ஆபிஸ் போய் கேளுங்கன்னு சொல்லிட்டாங்க....வேற வழி....இதுதான் வாய் கொழுப்பு....

சரின்னு அங்கே போய், முன்னாடி உட்கார்ந்திருந்தவரிடம் கேட்டால், 'அந்தா இருக்காரே ஒரு ப்ளூ கலர் சட்டை போட்டுக்கிட்டு அவர்கிட்டே கேளுங்க'...ஓகே...அங்கே போயாச்சு....

அவர், 'அதோ அங்கே ஓயிட் சுடிதார் போட்டிருக்காங்களே அவங்களை கேளுங்க' என்றார்....ஓகே...அங்கேயும் போயாச்சு...

அந்த அம்மா,' உட்காருங்க, ஒரு ஐந்து நிமிடம்...' என்று இங்கேயும் அங்கேயுமாக நடக்க போய்ட்டாங்க. அப்புறம் வந்து விஷயத்தை கேட்டுவிட்டு, 'அந்த கிரீன் சாரி கட்டி இருக்காங்களே அவங்க கிட்டே போங்க'...போயாச்சு....இப்படியே ஒரு அரை மணி நேரமும் போயாச்சு....

அடுத்தது ஒரு ரெட் ஷர்ட் போட்டவர்....அவர் மேஜை முன் அமர்ந்தேன். அவர் இன்னொருவருக்கு ஏதோ சொல்லி கொண்டிருந்தார். என்னிடம் விஷயம் கேட்டு வெயிட் பண்ண சொன்னார். ஒரு பத்து நிமிடம் காவல். நான் அதற்குள் என் செல்லில் மறுபடியும் APN எல்லாம் மாற்றி பார்த்து கொண்டிருந்தேன்....

என்ன ஒரு ஆச்சரியம்...நெட் வேலை செய்தது.....ஆஹா...BSNL ஆபிசுக்குள் வந்தால் தான் அவங்க நெட்வொர்க் வேலை செய்யும் போல.....அவர்கிட்டே சொன்னேன்....'கரெக்ட் ஆகிடுச்சா....' அவருக்கு ஒரே சந்தோசம். நம்ம கை வைக்காமலே நம்ம நெட்வொர்க் வேலை செய்யுதே, நம்ம ஆபிஸ் ராசி என்று....நல்ல வேளை....என்ன செய்து சரி பண்ணுனீங்கன்னு என் கிட்டேயே கேட்டு தெரிஞ்சுக்காம விட்டாங்களே, அதுவரைக்கும் ஓகே தான். ஓடியே வந்துட்டேன்..... 

Disc :

இது வெறும் என்னோட அனுபவம் தான். அதுக்காக நம்ம BSNL ஆபிசுல இருப்பவங்க எல்லாம் இப்படித்தான்னு நீங்க யாரும் முடிவுக்கு வந்திடக்கூடாது.....

BSNL Logoவை பாருங்க....Indiaவையே Connect பன்றாங்க...பார்த்து...escape.....